Objectiu :

- manténguer e valorizar era lenga e era cultura occitanas en Comenge e mès particularament ena Vath deth Arbàs (Herran, Hogaron, Arbàs, Shenh, Montastruc, Castèthviague, Montgalhard)

Accions :

- Enquèstas de terrenc enà amassar era memòria orala dera Vath

- Publicacion : Eth Larèr rurau de Montastruc qu'a editat un prumèr libet sus era memòria orala dera Vath deth Arbàs. Que's presenta coma un arrepertòri deths noms de lòcs e de maisons dera comuna de Shenh (31), en ame un lexic e cartas dera comuna.

FERRÉ (Joan-Pau), Uèita-le't, noms de lieux, noms de maisons, surnoms collectifs de la commune de Chein-Dessus, Larèr Rurau de Montastruc, heurèr 2004. 5 €

- Encontres dera Vath deth Arbàs, un còp per trimèstre. Aqueras amassadas que's hèn en duás partidas : un exposat sus era Vath deth Arbàs e uá dubertura de cap a un aute parçan (en Occitània o en quauqu'un lòc mès), sus un tèma determinat : toponimia, etnologia, istòria, economia, literatura...

Dissabte 4 de març,

eth Larèr Rurau de Montastruc qu'organizava eths Rencontres dera Vath deth Arbàs. Eth tèma d'aquera 5au edicion qu'èra era Hèsta deth Pòrc.

Aquera manifestacion, ath còp culturala e conviviala, qu'amassèc uá cinquantiá de personas, que prenguec era fòrma d'un exposat en occitan e en francés sus era Hèsta Porcala, seguit de dus docments videò filmats ena Vath deth Arbàs, en 1966 e en 1988. Era serada, animada par Danís Cucuron, Rogèr Daffis e Joan Pau Ferré, que s'escagec coma cau.

	5 de març 2005 : encontre en dab eth condaire Helip Sahuc (condes deth Coseran e d'Africa Occidentala, ath torn d'un caudèr de milhàs)
	28 de mag 2005 : encontre en dab Bruno Besche-Commenge (toponimia e territòri)

15 d'octobre 2005 : exposat sus era toponimia de Castèthviague per JP Ferré e encontre en dab Denis Cucuron (eras vrenhas ena Vath deth Arbàs)